與一位短炒朋友的對話

朋友：近來投資幾好嗎？我買咗隻內房股幾日升咗十幾%

夢想爸爸：嘩咁勁呀…邊隻呀？

朋友：恒大地產。

夢想爸爸：恒大我唔熟，幾好的嗎？

朋友：佢公布業績但唔派息，話留返d錢有新發展，近期突破咗52週高位，幾好。

夢想爸爸：咁你放咗未呀？

朋友：未呀，突破咗52週，我經驗覺得應該仲有得升，過多兩日就放。

夢想爸爸：可唔可以八掛吓賬面賺多少？（其實我知佢現金都有幾百萬）

朋友：7，8千

夢想爸爸：咁你都只係用咗幾萬買恒大？

朋友：係呀…平時都找這些機會，每次賺7，8千都好正

夢想爸爸：每次都賺？咁利害，可否教吓我？

朋友：哈哈，邊有可能次次賺，不過通常賺多蝕少。

夢想爸爸：咁你邊幾隻做長倉呀？

朋友：無喎，揸得耐好高風險wow，到時hold住好多蟹貨會唔知點算。

夢想爸爸：都唔一定。

朋友：每次短炒賺少少都夠用。

夢想爸爸：假設你有一百萬可以投資，想一年有10%回報，若每次短炒賺7千，即1年要成功15次，咁二百萬咪要分30次炒？仲要次次成功，好似好難wow。

朋友：算la, 錢邊有咁易賺呀！

夢想爸爸：如果你資金多，會唔會考慮用部份買一些業務穩定的股票收息呀?

朋友︰你指那些老人股? 即係公用股之類，果D都係賺息蝕價，唔適合我哋，退休是投資果D。

夢想爸爸︰賺息蝕價? 你等等... ... (於是我開了些公用股和房託的資料比佢睇)

其實我一直都替這位朋友感到可惜，因為他和太太的薪酬和現時資產算得上中產，他們都很節儉不會花費很多在娛樂和購物上，所以他們有很多儲蓄，不過大部份都是銀行港幣存款。這位朋友短炒算是利害，經常有喜訊，但以他現時資產水平，投資應該以過半數資產收息，可以是股票或債券，複利效應會不錯，他們絕對是可以在35歲前擁有1千萬的資產，可惜他們一直都輕看收取股息的力量。另外，他們在2013年時有計劃買樓，但覺得當時樓價太高所以放棄，點知等完一年又一年，每次身邊的人比意見佢，就會話美國加息樓價就跌，分析多兩句都唔想聽。

唉…「揸得耐好高風險」、「公用股係老人股」、「美國加息樓價就跌」……偏見，讓他們錯過了很多機會。從他的例子，我學懂要謙卑，承認自己有偏見之處，用開放的態度接納意見。