2019年3月13日 星期三

實戰月供股票組合 (已供36期)

由2016年3月開始啟動的月供股票計劃至今已供了36期,此月供股票組合以平穩增長和收息為目標,組合截至28/2/2019收市情況如下︰



月供股票股數現價投入金額賬面價值沽出保留累收股息累積回報回報率
長和39783.55$36,564.25$33,169.35$0.00$1,539.41-$1,855.49-5.07%
中電控股36193$36,798.15$33,573.00$9,329.28$1,879.42$7,983.5521.70%
匯豐控股57764.15$46,214.90$37,014.55$10,654.17$4,395.50$5,849.3212.66%
電能實業56054.5$36,950.25$30,520.00$0.00$7,102.95$672.701.82%
新鴻基地產383130$43,285.95$49,790.00$0.00$2,773.30$9,277.3521.43%
中國海外發展142328.9$35,492.10$41,124.70$0.00$1,452.57$7,085.1719.96%
騰訊控股114335.8$47,665.80$38,281.20$29,653.31$166.11$20,434.8242.87%
比亞迪54950.2$36,535.65$27,559.80$12,134.06$123.13$3,281.348.98%
友邦保險66678.5$45,709.40$52,281.00$10,164.71$1,022.12$17,758.4338.85%
$365,216.45$343,313.60$71,935.53$20,454.51$70,487.1919.30%
手續費1500$68,987.1918.89%

銀行︰中銀香港
月供金額︰$9,000-$10,000 (因應個別股票情況及市況調整)
已供金額︰$365,216.45
累計月供手續費︰$1,500 (每月$50,但首6個月免手續費)
32個月賬面增值+沽出保留現金+累收股息-手續費︰$68,987.19 (+18.89%)
累積賺取信用卡積分︰181,088分 (已換10張$100禮券)

不知不覺已月供港股3年,這個組合主要用來逼自己儲錢,每月自動扣起一筆錢來買資產。這三年的大市走勢實在相當波動,2017年狂升,2018年就狂跌,2019年又急速回升。對於港股投資老手,應該能大致食到幾個浪賺唔少,但能從股票賺大錢的人從來都很少。2018年又咁跌,有人1月高位入咗貨長期坐蟹頂唔順低位先離場,重傷。2019年一月頭,超過一半人唱淡,有財演話仲有排跌,有散戶信到十足十,望住大市反彈幾千點,現在又開始爭扎。我自己覺得月供股票主要用來戰勝心魔,逼自己有耐性等待長線的回報,留意企業基本面多於股價升跌。雖然供咗3年,有D股票好似長和、電能的回報得個吉,但我暫不急於整理組合,等到港股瘋狂時,我會沽貨甚至有一些股票會沽清,當然,目標係將來等待大市低位再儲其他優質股。好似友邦、新鴻基、中電、比亞迪、中國海外,我都諗住超長線持有。

另一個組合 - 夢想組合,於1月買入恒生、偉易達、領展、盈富,也增持了佐丹奴和利亞零售。農曆新年前已沽出盈富和減持領展,因之前是以槓桿買入的,2月尾至3月初再減持了偉易達和部份Reits,現時約80%倉位。

我的愛股利亞零售今天公布業績,業績交足功課,全年派息仲要增加了兩成多,投資者一定很滿意。無咩人會揀利亞零售,因為大家知佢主要業務係OK便利店,然後就覺得無咩發展空間,隻股票日均成交勁低,甚至有時會0成交。我就鐘意佢夠穩陣,而且近幾年仲好積極發展業務。10年前每股派息0.077,今日公布2018年度全年派息0.22,派息的增長和隱定算係唔錯,我會繼續長線持有,鞏固組合中,提供穩定現金流。

5 則留言:

  1. 利亞零售核心競爭力在於馮家品牌經營,舊年去過zoff實地視察過,這門生意絕對可為。

    說不定下年沒有新品牌或會派特別息。

    回覆刪除
  2. 我都有買冷門831,睇好18年業績受惠zoff。但19年比較難估,多左OWNDAYS和Jins

    回覆刪除
    回覆
    1. 其實是20最難估

      19年是做大市場

      20年21年去到20至30間分店開始見真章。

      zoff只要做到快時尚龍頭就可,不必要打價格戰。

      刪除
    2. 都係。18年業績不能反映zoff分店全年表現 (Note: 好多分店18年中至尾先開),但19年反映哂現有分店表現和新分店表現

      刪除
  3. 0831有馮生掌舵, 可成為研習的對象.

    回覆刪除