2020年3月6日 星期五

高息股通往財務自由?

 上一篇講到有位讀者,佢希望透過買高息股去達到財務自由,最後卻係唔成功。最主要原因佢誤會咗財務自由個概念,佢以為追求財務自由既過程,都係一定以收息股產生被動收入然後再投資,係唯一的辦法。

相信大家都會明白,財務自由係講緊每月平均被動收入,等於或高過每月生活支出(記住仲要計埋通脹的因素)。但係,追求財務自由個過程,其實有好多途徑,最主要嘅大方向就係要去累積一些「好資產」增加主動收入。大部份人都focus咗選好資產(主要買增長股和收息股),然後等股價升或收股息再投資,但一般投資者會較忽視增加主動收入和增加儲蓄,但我想講︰增加主動收入和增加儲蓄係好重要!好重要!好重要!所以我三年前要創業就係咁解,公司第二年即係2019年,上半年盈利已經係以前一年的薪金,但係今年就... ... 不過我相信疫情過去公司就會上返軌道。另外,我仲有keep住投資自己,考了些國際認証,一方面係興趣,另一方面都可以提升主動收入。仲有,我經常會將一D新淨唔用的東西賣出去,一年都賺返幾千。

所以,增加主動收入,增加儲蓄,買入好資產,增加被動收入,財務自由就唔難達到la。

買股票,謹記買「好股票」
我強調「好股票」,就是想說明無論係唔係高息股都唔係最重要,最重要係「好」。每個人對「好股票」的定義都不同,所以投資股票前,不妨將自己「好股票」的標準列出來。如果覺得好股票係超穩定,盈利增長和股息增長跟到通脹就可以,咁中電都係好股票之一; 但要求高d,期望股息增長多過7%,可能香港電訊都係好股; 如果期望再最高d,希望盈利在未來三年平均有20%增長,可能騰訊可以,其實仲有好多。

高息股
買高息股收息,然後股息再投資得唔得呀? 得,當然得,但個考慮點千祈唔好只放係股息率,有D好息散戶係aastock見到6厘,7厘,然後就自我催眠,話自己係收息再投資,股價唔洗理。 對我黎講,股息率最有參考價值的時段係業績公布後至除淨前,除淨後焦點要放返去下次派息,即係你要估計佢下次派息仲keep唔keep到甚至可以增加派息。當然唔係齋估,而係最起碼從三方面去評估︰1. 公司過往派發的股息穩定度 2. 公司未來盈利的穩定度 3. 派息政策


公司過往派發的股息穩定度
如果你買股票係為咗收息再投資,應該係屬於中長線投資,所以你應讓會期望佢有穩定的盈利和穩定的派息,但係,我哋應該將個期望調高少少,隻股票應該係有穩定的盈利增長和穩定的派息增長

例子︰有個中產人2012年睇中香港電訊,他在2012年首個交易日用100萬投資,在$4.822買咗207,000股,2012年期間,香港電訊派了0.2342股息,即是中產先生收到$48,479.4股息。

假設香港電訊由2012年至2019年期間股價不變和派息不變,2020年首個交易日$4.822沽出價值$998,154,另外8年間收到股息共$387,835.2,資產共增值1.38倍

假設香港電訊由2012年至2019年期間派息不變,2020年首個交易日$11.64沽出價值$2,409,480,另外8年間收到股息共$387,835.2,資產共增值2.79倍

假設香港電訊由2012年至2019年期間股價不變,但派息跟實際一樣有增長,2020年首個交易日$4.822沽出價值$998,154,另外8年間收到股息共$856,131.3,資產共增值1.85倍

真實情況,香港電訊由2012年至2019年期間,股價穩定增長每股派息穩定增長,2020年首個交易日$11.64沽出價值$2,409,480,另外8年間收到股息共$856,131.3,資產共增值3.26倍

如果,每年股息下年首個交易日再投入呢???
股數由207,000股增加至306,000股,2020年首個交易日$11.64沽出價值$3,561,840,每年未能再投入之餘下現金$34,894.8,資產共增值3.59倍。
這位由一百萬開始的中產先生,在2019年收息$199,930.2,即是每月被動收入$16,660。

總結一下,我主要係想講,唔好只係睇股息率,股息增長率都好重要 (香港電訊2012-2019年度的股息複合增長率有7.8%)。另外,公司基本面和盈利增長是長遠推升股價和每股派息的重要原因,要非常非常重視呀!其實仲有好多因素影響,如平均買入價、資產配置等,有機會再分享la

下一篇,會試吓睇多幾隻收息股的過往表現。


16 則留言:

  1. 你持有嘅1883就係一個好例子。

    回覆刪除
    回覆
    1. 是的,1883在過往10個年度股息複合增長為7.73%,股價方面近3年跟6823差不多,其實這兩隻在他們業績我都有買入。要留意下1883的派息比率一直上升,今次要上到70%以上,好似有少少盈利增速追唔到股息增速,之後要仔細望望。

      刪除
    2. 都要等佢annual report先睇得清楚佢嘅現金流健唔健康,頂唔頂到派息

      刪除
  2. 感謝分享, 很好的例子說明股價+股息增長的重要性

    回覆刪除
  3. 達至足夠自由的被動收入前,必先增加主動收入。這個過程會擴闊自己眼界、增加資本及知道怎樣的路才適合自己。人生分不同階段,我認為40歲前都應該著重主動收入。謝謝分享。

    回覆刪除
    回覆
    1. 認同。主動收入和被動收入都要兼,萬一其中一面好現了些不好的狀況,還有另一邊頂住呀!

      刪除
  4. 夢想爸爸, 不如下一篇用匯豐0005做例子. 好多人依然太過執著於果5%息, 但現實相信會比較殘酷.

    回覆刪除
    回覆
    1. 好呀,下次都可以試吓用埋匯豐做例子。匯豐未必完全唔值得買,但要看時機。
      利申︰本人持有匯豐。

      刪除
  5. 感謝分享!剛好在建倉階段

    回覆刪除
    回覆
    1. 我也在建倉階段,我覺得今次要比較有耐性,而每個分段吸納之間要相隔長少少的時間。

      刪除
  6. 夢想爸爸可否分享下你既創業路, 同朋友夾份定係獨資? 全職創業?

    回覆刪除
    回覆
    1. 你好二當家,我係獨資開公司的,當時都算裸辭,然後先慢慢搞創業D嘢,所以預備得不太好,頭一年都係摸摸下,先用少少資金開始做吓實驗先,發覺OK都再加大注碼。本身公司已上咗軌道,現在就大插。

      刪除
    2. 謝謝回覆, 二當家一直都想搞搞小生意 (想開多條財路), 但自己身無長物, 唔知搞咩生意好, 又唔想為搞而搞。
      有機會的話希望可以多點分享做小生意的點滴, 願意分享的人確實不多。

      刪除
    3. 好的,有機會我寫一篇談創業經歷,雖然我未算成功,但希望可以給大家一些啟發。

      刪除
    4. 期待這篇創業分享!

      刪除