大家好！很久不見！

哈哈！我回來了！

話說2019年下半年，我完全無寫過blog，這一點我實在要致歉，雖然我應該無咩讀者follow，但我都係要為一少少讀者每次入黎都無新嘢睇而致歉，致歉，再致歉。

如果之前有睇我blog的讀者就知我2017年有一個好大的轉變，就係由放棄一個中層管理職位而去創業，現在差不多3年了，回望當時真的有點瘋狂，但我感恩我敢瘋狂。

由一開始一個人，到請吓一個同事，又一個同事，又一個同事... 業務一直在發展，營業額亦一直上升。我還記得第一年，我公司遇上了現金流的問題，還有毛利率偏低的問題，後來又遇上管理的問題、同業競爭的問題、客戶忠誠度的問題、會計的問題、網頁的問題... ... 真係問題天天都多！我自己喜歡閱讀和學習新知識，我估3年間我每月平均都有閱讀一本書，而且繼續進修，考取一些專業認證。

2019年下半年無寫blog，好大的原因是因為香港的社會事件，這成為了我每日思考的焦點，有時甚至令我睡不著。投資? 我幾乎沒有理會過。另外，2019年下半年開始我對股市睇得好淡，其實不只香港，係美國、中國我都睇得好淡，還有一些其他原因(不方便透露)，所以2019尾我沽出了所有的股票，係所有！(當然，無論是月供組合或是夢想組合都有合理的回報，尤其夢想組合中有幾支倍升股如︰BABA、GOOGL、V、友邦、騰訊) 回望，我真的瘋狂了！

2020年，遇上武漢肺炎，永遠有危就有機，前幾天我決定再倉位由0%提升返到8%，然後會再觀望疫情的發展。

夢想組合
領展 2.6%
中國利郎 2.2%
匯豐 1.5%
中信國際電訊0.9%
金利來 0.7%
現金 92.1%

*以上一切投資操作絕對是反面教材，請勿像我一樣瘋狂！