2020年4月3日 星期五

2020第一季夢爸組合

2020年第一季,是悲傷的一季,我哋見到疫情不斷擴大,受感染和死亡的人數越來越多,真的感受到人的軟弱和無助。就算有幾好的計劃,幾好的投資,都不等於已經掌握人生。我望著我的家人、同事、朋友都因不同的原因愁眉苦臉,實用難過。我同樣要面對疫情對公司的打擊,雖然暫不至於要裁員,但都看到同事的憂慮,從而影響工作效率。真的希望疫情盡快過去,更希望大家同家人朋友能互相扶持,共渡難關。

組合第一季的策略,好似前幾篇講,我上年年尾已沽清所有股票,曾經有接近一個月係100%現金,初時打算今明兩年慢慢建倉,估唔到今次大跌巿係由一個疫情開始,又快又急,所以我只可以話自己好彩。但自己睇返,自己買得都有D急,真係有少少受市場情緒影響。

夢爸組合 (截至31/3/2020)
現金 60.1%
FI南方恒指 6.7%
騰訊 5.2%
匯豐 3.6%
香港電訊 2.9%
中信國際電訊 2.6%
利亞零售 2.5%
中電 2.4%
領展 2.2%
中國利朗 1.6%
長建 1.4%
長實 1.4%
Aeon信貸 1.4%
泓富產業 1.2%
中國鐵塔 1.2%
中國建材 1.1%
置富產業 1%
豐盛服務 0.9%
金利來 0.6%

2020年第一季夢爸組合 -1.6% (已包括各項費用及已收股息)

2020年第一季恒指 -16.27%

能跑贏恒指主要是因為持有較多現金,沒有甚麼技巧。另外,3個月內只有買入股票,並無沽出股票,同時有買賣逆向恒指ETF對沖部份跌幅。

最傷心的是,第二季一開波就聽到匯豐唔派息,唉... 但我仲未沽

2020年3月20日 星期五

大跌巿,最緊要安心

今次大跌巿,令我想起了當年的金融海嘯,油價暴跌,弱勢股大跌,增長股大跌,連公用股都大跌。

每都人都應該因應自身的財務狀況和需要而使用不同投資策劃,我覺得不應批評某blogger的策略如何,更不應完全複製某些blogger的策略和組合。要提升FQ就要先知道自己投資的目標和承擔波幅的能耐,無論是否滿意近期自己的表現,都嘗試紀錄和反思。

個人分享
不要錯誤認為高息股不會大跌,上一篇提到我們不應只看息率,要看過往派息的穩定度和增長率,今次大跌巿剛好業績期,業績有可能幫到隻股票止跌,同樣有機會因業績和派息差過預期令股票加劇跌勢。但是,股息率和股息增長率都不是最重要,企業的基本面才是最重要。

不要估底,大跌巿買股票一定係分段吸納,但實際點樣分就因人而異,因為重點在於你有多少資金,想買甚麼股票,才可以決定分幾多次,然後才去想甚麼價位買。我自己會有一張google sheet係股票觀察名單,自動跳價的,會列埋自己期望買入多少股,買齊名單後的組合分布圖等。那就比較清晰了,例如︰我打算買入2手中電,6手匯豐,那即是說中電最多分2次,匯豐最多分6次,然後自己再決定價位,但我主要係用安心評估法去決定組合股票比例,最尾會分享一下。

不要認為疫情過去等於熊去牛來,疫情造成的經濟破壞,對企業的影響絕對不要看輕。我預計了需要長時間處於經濟低谷,可能兩至三年,所以要有一定的後備儲蓄,減少槓桿投資。

最後,我覺得看投資要看自己整個組合,包括現金,但不包括備用現金。我自己在此經濟狀況,預算了12月的家庭支出作為後備現金,這些現金絕不能包括在組合內。組合裡的現金比例,絕對是最簡單和直接去方法去評估一下自己承受波幅的壓力。我自創安心評估法

我假設我買入的股票有機會跌70%,這個說法應該不算太誇張吧!
如果組合100%股票,我的組合有機會下跌70% (這個比例我一定會失眠)
如果組合80%股票20%現金,我的組合有機會下跌56% (這個比例我可能會失眠)
如果組合50%股票50%現金,我的組合有機會下跌35% (這個比例我擔心自己訓唔著)
如果組合20%股票80%現金,我的組合有機會下跌14%  (安心)
*結論,疫情剛剛在內地爆發時,我持有92%現金,8%股票,確保訓得著。

股票已跌了20%,我假設我買入的股票有機會再跌50%!
如果組合100%股票,我的組合有機會下跌50% (這個比例我一定會失眠)
如果組合80%股票20%現金,我的組合有機會下跌40% (這個比例我擔心自己訓唔著)
如果組合50%股票50%現金,我的組合有機會下跌25% (安心)
如果組合20%股票80%現金,我的組合有機會下跌10%  (安心)
*現時組合持有31.4%股票,6.2%恒指反向ETF,62.4%現金,確保訓得著。

股票已跌了50%,我假設我買入的股票有機會再跌20%!
如果組合100%股票,我的組合有機會下跌20% (安心)
如果組合80%股票20%現金,我的組合有機會下跌16% (安心)
如果組合50%股票50%現金,我的組合有機會下跌10% (安心)
如果組合20%股票80%現金,我的組合有機會下跌4%  (安心)


*以上只是一個概念,在實際操作上會適當調整,總之要自己安心無壓力過大跌巿。


2020年3月6日 星期五

高息股通往財務自由?

 上一篇講到有位讀者,佢希望透過買高息股去達到財務自由,最後卻係唔成功。最主要原因佢誤會咗財務自由個概念,佢以為追求財務自由既過程,都係一定以收息股產生被動收入然後再投資,係唯一的辦法。

相信大家都會明白,財務自由係講緊每月平均被動收入,等於或高過每月生活支出(記住仲要計埋通脹的因素)。但係,追求財務自由個過程,其實有好多途徑,最主要嘅大方向就係要去累積一些「好資產」增加主動收入。大部份人都focus咗選好資產(主要買增長股和收息股),然後等股價升或收股息再投資,但一般投資者會較忽視增加主動收入和增加儲蓄,但我想講︰增加主動收入和增加儲蓄係好重要!好重要!好重要!所以我三年前要創業就係咁解,公司第二年即係2019年,上半年盈利已經係以前一年的薪金,但係今年就... ... 不過我相信疫情過去公司就會上返軌道。另外,我仲有keep住投資自己,考了些國際認証,一方面係興趣,另一方面都可以提升主動收入。仲有,我經常會將一D新淨唔用的東西賣出去,一年都賺返幾千。

所以,增加主動收入,增加儲蓄,買入好資產,增加被動收入,財務自由就唔難達到la。

買股票,謹記買「好股票」
我強調「好股票」,就是想說明無論係唔係高息股都唔係最重要,最重要係「好」。每個人對「好股票」的定義都不同,所以投資股票前,不妨將自己「好股票」的標準列出來。如果覺得好股票係超穩定,盈利增長和股息增長跟到通脹就可以,咁中電都係好股票之一; 但要求高d,期望股息增長多過7%,可能香港電訊都係好股; 如果期望再最高d,希望盈利在未來三年平均有20%增長,可能騰訊可以,其實仲有好多。

高息股
買高息股收息,然後股息再投資得唔得呀? 得,當然得,但個考慮點千祈唔好只放係股息率,有D好息散戶係aastock見到6厘,7厘,然後就自我催眠,話自己係收息再投資,股價唔洗理。 對我黎講,股息率最有參考價值的時段係業績公布後至除淨前,除淨後焦點要放返去下次派息,即係你要估計佢下次派息仲keep唔keep到甚至可以增加派息。當然唔係齋估,而係最起碼從三方面去評估︰1. 公司過往派發的股息穩定度 2. 公司未來盈利的穩定度 3. 派息政策


公司過往派發的股息穩定度
如果你買股票係為咗收息再投資,應該係屬於中長線投資,所以你應讓會期望佢有穩定的盈利和穩定的派息,但係,我哋應該將個期望調高少少,隻股票應該係有穩定的盈利增長和穩定的派息增長

例子︰有個中產人2012年睇中香港電訊,他在2012年首個交易日用100萬投資,在$4.822買咗207,000股,2012年期間,香港電訊派了0.2342股息,即是中產先生收到$48,479.4股息。

假設香港電訊由2012年至2019年期間股價不變和派息不變,2020年首個交易日$4.822沽出價值$998,154,另外8年間收到股息共$387,835.2,資產共增值1.38倍

假設香港電訊由2012年至2019年期間派息不變,2020年首個交易日$11.64沽出價值$2,409,480,另外8年間收到股息共$387,835.2,資產共增值2.79倍

假設香港電訊由2012年至2019年期間股價不變,但派息跟實際一樣有增長,2020年首個交易日$4.822沽出價值$998,154,另外8年間收到股息共$856,131.3,資產共增值1.85倍

真實情況,香港電訊由2012年至2019年期間,股價穩定增長每股派息穩定增長,2020年首個交易日$11.64沽出價值$2,409,480,另外8年間收到股息共$856,131.3,資產共增值3.26倍

如果,每年股息下年首個交易日再投入呢???
股數由207,000股增加至306,000股,2020年首個交易日$11.64沽出價值$3,561,840,每年未能再投入之餘下現金$34,894.8,資產共增值3.59倍。
這位由一百萬開始的中產先生,在2019年收息$199,930.2,即是每月被動收入$16,660。

總結一下,我主要係想講,唔好只係睇股息率,股息增長率都好重要 (香港電訊2012-2019年度的股息複合增長率有7.8%)。另外,公司基本面和盈利增長是長遠推升股價和每股派息的重要原因,要非常非常重視呀!其實仲有好多因素影響,如平均買入價、資產配置等,有機會再分享la

下一篇,會試吓睇多幾隻收息股的過往表現。